جريدة اخبار العالم
قصيده بقلم ،،، سامي سالم
بعنوان ،،، أضغاث أحلام
إسأل نفسك ليه هجرتك
إسأل ليلك وإسأل نجمك
شوف ليه غابت شمسك
شوف راح فين ضلك
ساكت عمر مفارق خلك
وجاي دلوقتي تقولي أغفرلك ،،
لسه فاكرني ف حضرة عطفك
فاكر قلبي ذي ماسبتك
كنت حبيبي وضعت بعندك
بعند قلبك وعقل ضلك
حاسب نفسك بشكل ظنك
وللا إسأل برجك يمكن يدلك
شكل دموعي باينه ف كفك
زرعت عشقي حصدت غشك
سقيتني كاسك شربت مرك
وجاي دلوقتي تقولي أغفرلك ،،،
ماكان بإيدك أفضل جنبك
بودك وحبك لوعدك بعهدك
حرقت قلبي سنين ف بعدك
فاكرني أجري عليك وأصالحك
معبد عشقي بنيته لخاطرك
مليته غرام يكفي عمرك
وهمس جنوني عشانك وحدك
حرام عليك كفايه غدرك
عايزني أحيي قلبي ف حبك
عايزني أصحي قلبي لقلبك
بعد مادست عليه برجلك
بعد الموت إدعي ربك
يمكن يحيي عبد حبك
ي مكن يصحي قلب عشقك
وللا أقولك ،، بس أسامحك
